“Barselona” va Ispaniya terma jamoasi yarim himoyachisi Dani Olmo agenti bilan birga Manchester shahriga uchib keldi, deb xabar bermoqda BBC.
Ma’lumotlarga ko‘ra, 26 yoshli futbolchi qishki transferlar vaqtida “Manchester Yunayted”ga o‘tishi mumkin.
“Barselona” moliyaviy muammolar sabab Olmoni qishda Ispaniya chempionatida ishtirok etish uchun qaydnomaga kirita olmasligi mumkin.
Bunday holatda esa futbolchi erkin agentga aylanadi va “qizil iblislar” safiga tekinga borib qo‘shilishi mumkin.
Ma’lumot uchun, Olmo joriy mavsum LaLigada 11 ta o‘yinda maydonga tushdi va 5 ta gol urdi.
Sentyabr oyida ham “Barselona” yangi yilda Olmo bilan xayrlashishi mumkinligi haqida xabar berilgandi.
Izoh (0)