Futbol bo‘yicha Ispaniya chempionatining 4-turida “Barselona” 31-avgust, shanba kuni “Real Valyadolid”ga qarshi bahs olib bordi.
Uchrashuvning 20-daqiqasida Pau Kubarsining uzatmasini Rafinya golga aylantirdi. Oradan 4 daqiqa o‘tib, Robert Levandovski ham o‘z nomini tabloga yozdirib qo‘ydi. Bo‘lim oxirida esa Jyul Kunde hisobni yirik ko‘rinishga olib keldi.
Ikkinchi bo‘limda ham kataloniyaliklarning total ustunligi davom etdi. 64-daqiqada Rafinya dublni rasmiylashtirdi. 72-daqiqada esa Lamin Yamalning ajoyib uzatmasidan so‘ng braziliyalik futbolchi uchrashuvdagi uchinchi goliga mualliflik qildi. 82-daqiqada Dani Olmo reyd uyushtirib, jarima maydoniga qadar kirib bordi va darvozani ishg‘ol qildi. 85-daqiqaga kelib, Rafinyaning qanotdan uzatgan to‘pini Ferran Torres darvozaga joylab qo‘ydi.
Shu tariqa “ko‘k-anorranglilar” 7:0 hisobidagi g‘alabaga erishdi.
La Liga
4-tur
31-avgust, shanba
“Barselona” — “Real Valyadolid” 7:0
Gollar: 1:0 – 20 Rafinya, 2:0 – 24 Levandovski, 3:0 – 45+2 Kunde, 4:0 – 64 Rafinya, 5:0 – 72 Rafinya, 6:0 – 82 Olmo, 7:0 – 85 Ferran Torres.
“Barselona”: ter Stegen, Balde, Martines, Kubarsi (Dominges, 61), Kunde, Pedri (Lopes, 61), Kasado (Erik Garsiya, 61), Olmo (Torre, 83), Rafinya, Levandovski (Ferran Torres, 73), Yamal.
“Valyadolid”: Xeyn, Lukas Roza, Sanches, Jemert, Peres, Yurich, Amalla (San-Xose Kantalexo, 57), Kike Peres, Sanches (Martin, 62), Moro, Markos Andre (Latasa, 56).
Ogohlantirishlar: Sanches (45), Kike Peres (74), Martin (84).
Izoh (0)