La Liga. “Barselona” “Jirona” ustidan yirik hisobda g‘alaba qozondi

Futbol bo‘yicha Ispaniya chempionatining 5-turida “Barselona” 15-sentyabr, yakshanba kuni “Jirona”ga qarshi bahs olib bordi.

Uchrashuvning 30-daqiqasida Lamin Yamal hisobni ochdi. Oradan 7 daqiqa o‘tib, Yamal dublni rasmiylashtirdi. Birinchi bo‘lim “ko‘k-anorranglilar”ning 2:0 hisobidagi ustunligi bilan yakunlandi.

Ikkinchi bo‘lim boshida Dani Olmo hisobni yirik ko‘rinishga olib keldi. 64-daqiqada Pedri ajoyib reyd bilan kataloniyaliklarning navbatdagi goliga mualliflik qildi. 80-daqiqada “Jirona” futbolchisi Stuani hisobni qisqartirdi.

Qolgan daqiqalarda gol urilmadi va “Barselona” 4:1 hisobidagi g‘alabani rasmiylashtiradi.

La Liga

5-tur

15-sentyabr, yakshanba

“Jirona” — “Barselona” 1:4

Gollar: 0:1 – 30 Yamal, 0:2 – 37 Yamal, 0:3 – 47 Olmo, 0:4 – 64 Pedri, 1:4 – 80 Stuani.

“Jirona”: Gassaniga, Migel Gutyerres, Blind, David Lopes, Franses (Martines, 85), Solis, Martin, Danjuma (Portu, 55), Sigankov (van de Bek, 69), Xil (Asprilya, 54), Abel Ruis (Stuani, 69).

“Barselona”: ter Stegen, Balde, Martines, Kubarsi (Fort, 61), Kunde, Pedri (Viktor, 69), Kasado, Rafinya, Olmo (Erik Garsiya, 61), Yamal, Levandovski (Ferran Torres, 69).

Ogohlantirishlar: Xil (36), Viktor (84).

Chetlatish: Ferran Torres (86).