“Барселона” клуби Дани Ольмо ҳамда Пау Викторни вақтинча рўйхатдан ўтказди.
Испания спорт кенгаши апелляция қарори чиқарилгунга қадар футболчиларга жамоа таркибида барча турнирларда ўйнашга рухсат берди.
Икки футболчи бир неча дақиқалардан сўнг бошланадиган “Атлетик”га қарши баҳсда ҳам майдонга тушиши мумкин.
Аввалроқ Испания футбол федерацияси (RFEF) “Барселона”нинг 2024/2025 йилги мавсумнинг иккинчи ярми учун ярим ҳимоячи Даниэль Ольмо ва ҳужумчи Пау Викторни таркибга киритиш ҳақидаги илтимосини рад этгани хабар берилган эди.
Кейинроқ “Барселона” футболчини рўйхатдан ўтказиш билан боғлиқ муаммони ҳал қилмаса, ярим ҳимоячиси Дани Ольмони мавсумнинг қолган қисмида ижарага юбора олмаслиги айтилганди.
Клуб Ольмони 2024 йилнинг ёзида “РБ Лейпциг”дан 55 миллион еврога сотиб олган ва йил сўнггигача рўйхатдан ўтказа олганди.
“Барселона” Ольмо ва Викторни янгиланган “Камп Ноу” стадионида VIP ўриндиқларни сотиш орқали рўйхатга олиш учун тегишли молиявий назорат қоидаларига риоя қилишга ҳаракат қилди, аммо бу етарли деб топилмади.
Дани Ольмо “Барселона” сафида ўтган олти ой давомида барча турнирларда 15 та ўйин ўтказиб, 6 та гол урди ва 1 та голли узатма амалга оширди. Пау Виктор 13 учрашувда қатнашди ва 2 та гол уришга эришди.
Изоҳ (0)