Toshkent shahri havoning iflosligi bo‘yicha dunyoda yana peshqadamlar ro‘yxatida. IQ Air tashkilotining ma’lumotlariga ko‘ra, ayni paytda Toshkent ro‘yxatda 4-o‘rinda bormoqda. Undan oldingi o‘rinlarni Dehli, Lahur, Kalkutta va Guanchjou shaharlari egallagan.
IQAir portaliga ko‘ra, soat 21:00 atrofida Toshkent havosida mayda PM2,5 dispers zarralarining konsentratsiyasi 139 mkg/m3 ni tashkil etgan – bu JSST tomonidan tavsiya etilgan o‘rtacha havo sifati ko‘rsatkichidan deyarli 28 barobarga ko‘p. Hozirda poytaxt havosi sifati “zararli” tasnifda turibdi.
Jahon sog‘liqni saqlash tashkilotiga ko‘ra, havo ifloslanishi ko‘rsatkichlari orasida salomatlik uchun eng katta xavf tug‘diradigani aynan PM2,5 dispers zarralaridir.
Toshkent havosi yil davomida juda ko‘p bor havosi eng iflos shaharlar ro‘yxatida yuqori o‘rinlarni egallagan.
Avvalroq “Atmosfera havosini ifloslantiruvchi manbalarni xatlovdan o‘tkazish hamda unga tashlanayotgan ifloslantiruvchi moddalar miqdorini belgilash to‘g‘risidagi yo‘riqnoma” Adliya vazirligida davlat ro‘yxatidan o‘tkazilgandi.
Mazkur yo‘riqnoma atmosfera havosini ifloslantiruvchi manbalarni xatlovdan o‘tkazish hamda unga tashlanayotgan ifloslantiruvchi moddalar miqdorini belgilash tartibini belgilaydi.
Izoh (0)