Тошкентнинг 2045 йилгача мўлжалланган бош режаси тасдиқланиши, Нукус воқеалари бўйича тузилган комиссия ахбороти Олий Мажлисга тақдим этилиши, Ботир Қодировнинг Жўраевлар оиласига навбатдаги мурожаати — “Дарё” нашри бугун, 26 декабрда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Ўзбекистонда педагогларни касбий ривожлантиришнинг янгича тизими йўлга қўйилади
Мактабгача ва мактаб таълими ташкилотлари ходимларини узлуксиз касбий ривожланишини ташкил этиш тартиби тасдиқланди.
Тошкентдаги олийгоҳ мансабдорларига нисбатан жиноят иши қўзғатилди
740 млн сўмлик иш ҳақи ортиқча тўланиб, бюджет маблағлари талон-торож қилинган.
Яшнобод ҳокимининг ўзини мукофотлаш тўғрисидаги қарори қонуний экани билдирилди
Қайд этилишича, Тошкент шаҳар ҳокимининг фармойишига асосан 12 туманнинг барча 48 та сектори кесимида ўтказилган баҳолаш натижасида Яшнобод тумани ҳокими 1-сектор раҳбари Б.Раҳмонқулов 2-ўринни эгаллаган ва унга БҲМнинг 150 баравари миқдорида пул мукофоти ажратилиши белгиланган.
Тошкент ҳокими бюджетдан ажратилган 100 млрд сўмга оид қарорни шахсга доир маълумотлар важи билан яширгани аниқланди
Тошкент шаҳар ҳокими Шавкат Умрзоқов 2024 йилнинг 10 октябрь куни 709-14-0-Қ/24 сонли қарорни қабул қилиб, яшириб қўйган. Яширилган ҳужжатга “шахсга оид” деган важ билан изоҳ ёзилган — бу эса қонунчиликка зид.
Тошкентнинг 2045 йилгача мўлжалланган бош режаси тасдиқланди
Ҳар қандай қурилиш ишларини амалга ошириш тасдиқланган бош режа асосида белгиланган тартибда амалга оширилади.
Деҳқонобод туман ҳокимлиги тендер ўтказди. Унда ҳокимликка тегишли бозор ғолиб чиқди
Қашқадарё вилояти Деҳқонобод тумани ҳокимлиги 14—24 декабрь кунлари картошка сотиб олиш бўйича бошланғич нархи 189 млн 750 минг сўм бўлган тендер ўтказган. “Дарё” мухбири лот маълумотларини кўздан кечириш жараёнида буюртмачи ва ғолиб ўртасида боғлиқлик борлигини аниқлади.
Кўкдаладан Қаршига кетаётган автомобилда 50 млн сўмлик пиротехника воситалари борлиги маълум бўлди
Божхона бошқармасининг Контрабандага қарши курашиш бўлими ходимлари пиротехника воситаларининг ноқонуний реализациясига қарши курашиш бўйича тезкор тадбир ўтказди.
Ўзбекистонда қурилиши якунланган объектларни фойдаланишга қабул қилиш тўлиқ рақамлаштирилади
Бу орқали шаффоф тизим жорий этилиши таъминланади.
Нукус воқеалари бўйича тузилган комиссия ахбороти Олий Мажлисга тақдим этилди
Комиссия давлат органларига бир қатор тавсияларни берди.
Шавкат Мирзиёев авиаҳалокатда кўплаб инсонлар қурбон бўлгани муносабати билан Илҳом Алиевга ҳамдардлик билдирди
Сўнгги маълумотларга кўра, ҳодиса оқибатида 38 киши ҳалок бўлган.
МТРК учун давлат бюджетидан ўтган йилгига нисбатан 320 миллиард сўмдан кўпроқ маблағ ажратилади
Шундан 107 миллиард сўмдан кўпроқ маблағ футбол мусобақаларини ёритишга мослашган кўчма телевизион станциялар сотиб олиш учун сарфланади.
“Менга шунча йил тақиқ қўйдинглар, индамадим. Болаларда нима айб?”. Ботир Қодиров Жўраевлар оиласига мурожаат қилди (видео)
“Қилган блокларингни ечиб қўйинглар, ўзингларнинг ҳурматингларни билинглар, менинг йўлимда турманглар”, дейди Ботир Қодиров.
Тошкент—Самарқанд йўналишидаги поездлар учун янги темирйўлнинг техник-иқтисодий асосларини тайёрлаш бошланди
Янги магистрал икки йирик шаҳар ўртасидаги қатнов вақтини сезиларли даражада қисқартиради.
Ўзбекистонда мобил алоқа хизматлари акциз солиғидан озод этилди
Қайта тикланувчи энергия манбалари қурилмаларини ўрнатган жисмоний ва юридик шахслар учун солиқ имтиёзлари берилади.
“Келгуси йил бошида тартиб-таомилларни якунлаб, Евросиё Тараққиёт банкига аъзо бўлишни режалаштирмоқдамиз” – Шавкат Мирзиёев
Президент Санкт-Петербург шаҳрида Олий Евросиё иқтисодий кенгашининг навбатдаги йиғилишида кузатувчи мақомида иштирок этди.
Тошкент яна дунёнинг ҳавоси энг ифлос шаҳарлари рўйхатидан жой олди
IQAir порталига кўра, соат 21:00 атрофида Тошкент ҳавосида майда PM2,5 дисперс зарраларининг концентрацияси 139 мкг/м3 ни ташкил этган – бу ЖССТ томонидан тавсия этилган ўртача ҳаво сифати кўрсаткичидан деярли 28 баробарга кўп.
Ўзбекистоннинг умумий ташқи қарзи 60 млрд доллардан ошди
Шундан давлат ташқи қарзи ҳажми қарийб 32,5 млрд доллар ҳамда корпоратив ташқи қарз ҳажми 27,7 млрд долларга тенг бўлган.
Изоҳ (0)