“SSKA” klubi bosh direktori Roman Babayev o‘zbekistonlik yarim himoyachi Abbosbek Fayzullayevning maoshi oshirilganini aytdi.
Maʼlum qilinishicha, klub shartnomani yangilamasdan turib, futbolchining maoshini oshirgan.
“Biz Abbosning shartnomada ko‘rsatilganidan qatʼi nazar, moliyaviy sharoitlarni yaxshilashga arziydi, deb hisobladik. Bizning klubda shunday odatiy amaliyot bor: agar kimdir bizga X maosh bilan kelib, o‘z mehnati bilan Y maoshga arziydi, deb topilsa, shartnomani uzaytirishni kutib o‘tirmaymiz. Shu bois biz Fayzullayevning shartnomasini uzaytirmasdan ham uning maoshini oshirdik”, deydi Roman Babayan.
Maʼlumot uchun, Fayzullayev joriy mavsumda Rossiya Premer-ligasida 16 o‘yinda 2 ta gol va 3 ta assist qayd etgan.
Izoh (0)