Abbos Fayzullayev AFC Awards 2023 Osiyoning eng yaxshi yosh futbolchisi mukofotiga nomzod bo‘ldi.
O‘zbekistonlik futbolchidan tashqari yaponiyalik Kagu Navata (“Kamigaku U-18”) hamda Janubiy koreyalik Bae Jun Ho (“Stok Siti”) ushbu mukofotga nomzodlar qatorida tilga olingan. Yaponiyalik futbolchi 17 yoshgacha bo‘lganlar o‘rtasidagi Osiyo chempionatining eng yaxshi o‘yinchisi deb e’tirof etilgan. Janubiy koreyalik futbolchi “Stok Siti”da ketma-ket ikkinchi mavsum o‘ynamoqda. U jamoa safida 50 dan ortiq o‘yin o‘tkazib, 2 ta gol va 8 ta golli uzatmani amalga oshirgan.
Abbosbek 14-oktyabr kuni “SSKA”da sentyabr oyining eng yaxshi futbolchisi deb topilgandi. O‘tgan oyda futbolchi klub safida barcha musobaqalarda 5 ta o‘yinda maydonga tushib, 2 ta gol va 3 ta golli uzatmaga mualliflik qilgandi.
Abbosbekning moskvaliklar bilan amaldagi shartnomasi 2026-yil yoziga qadar mo‘ljallangan. Transfermarkt portaliga ko‘ra, Fayzullayevning transfer narxi 6 million yevroni tashkil etadi.
Natijalar 29-oktyabr kuni e’lon qilinadi.
Izoh (0)