Isroil mudofaa kuchlarining G‘azo sektoridagi harakatlari oqibatida so‘nggi 24 soat ichida 80 ga yaqin falastinlik halok bo‘ldi, 170 dan ortiq kishi jarohatlandi.
Bu haqida Falastin anklavining sog‘liqni saqlash vazirligi o‘zining Telegram-kanalida ma’lum qildi.
“So‘nggi 24 soat ichida Isroil harbiylari tomonidan artilleriya yordamida o‘qqa tutilishi oqibatida 77 kishi halok bo‘ldi, yana 174 kishi yaralandi”, deyiladi vazirlik hisobotida. Shuningdek, G‘azo Sog‘liqni saqlash vazirligi 2023-yil oktyabr oyidan beri anklavda jami 45 206 kishi halok bo‘lganini va 107 512 kishi jarohatlanganini ma’lum qildi.
2023-yil 7-oktyabrda HAMAS harakatining qurolli tarafdorlari G‘azoda Isroil fuqarolarini o‘ldirishi va garovga olinishi bilan birga Yaqin Sharqdagi vaziyat keskin yomonlashdi.
Bunga javoban Isroil HAMASning harbiy-siyosiy tuzilmasini yo‘q qilish va o‘g‘irlab ketilganlarning hammasini ozod qilish maqsadida anklavda harbiy operatsiya boshladi. G'azo sektoridagi janglar shu kungacha davom etmoqda.
18-dekabr kuni HAMAS G‘azo kelishuvi bo‘yicha muzokaralarda Isroilga yon berishga rozi bo‘lgani xabar qilindi.
Al Arabiya ma’lumotlariga ko‘ra, HAMAS kelishuvning birinchi bosqichida to‘liq otashkesim e’lon qilish va Isroil qo‘shinlarini olib chiqib ketish haqidagi avvalgi talabidan ham voz kechgan.
Shu bilan birga, harakat rasmiylari anklavning shimoliy hududlari aholisi isroil harbiylari nazoratsiz o‘z uylariga qaytish imkoniyatiga ega bo‘lishlari kerakligini ta’kidlamoqda.
Izoh (0)