Исроил мудофаа кучларининг Ғазо секторидаги ҳаракатлари оқибатида сўнгги 24 соат ичида 80 га яқин фаластинлик ҳалок бўлди, 170 дан ортиқ киши жароҳатланди.
Бу ҳақида Фаластин анклавининг соғлиқни сақлаш вазирлиги ўзининг Telegram-каналида маълум қилди.
“Сўнгги 24 соат ичида Исроил ҳарбийлари томонидан артиллерия ёрдамида ўққа тутилиши оқибатида 77 киши ҳалок бўлди, яна 174 киши яраланди”, дейилади вазирлик ҳисоботида. Шунингдек, Ғазо Соғлиқни сақлаш вазирлиги 2023 йил октябрь ойидан бери анклавда жами 45 206 киши ҳалок бўлганини ва 107 512 киши жароҳатланганини маълум қилди.
2023 йил 7 октябрда ҲАМАС ҳаракатининг қуролли тарафдорлари Ғазода Исроил фуқароларини ўлдириши ва гаровга олиниши билан бирга Яқин Шарқдаги вазият кескин ёмонлашди.
Бунга жавобан Исроил ҲАМАСнинг ҳарбий-сиёсий тузилмасини йўқ қилиш ва ўғирлаб кетилганларнинг ҳаммасини озод қилиш мақсадида анклавда ҳарбий операция бошлади. Ғазо секторидаги жанглар шу кунгача давом этмоқда.
18 декабрь куни ҲАМАС Ғазо келишуви бўйича музокараларда Исроилга ён беришга рози бўлгани хабар қилинди.
Al Arabiya маълумотларига кўра, ҲАМАС келишувнинг биринчи босқичида тўлиқ оташкесим эълон қилиш ва Исроил қўшинларини олиб чиқиб кетиш ҳақидаги аввалги талабидан ҳам воз кечган.
Шу билан бирга, ҳаракат расмийлари анклавнинг шимолий ҳудудлари аҳолиси исроил ҳарбийлари назоратсиз ўз уйларига қайтиш имкониятига эга бўлишлари кераклигини таъкидламоқда.
Изоҳ (0)