Qatar rahbariyati Isroil va HAMAS rozi bo‘lsa, ular o‘rtasida o‘t ochishni to‘xtatishga erishish uchun vositachilik sa’y-harakatlarini qaytadan boshlashga tayyor. Bu haqda amirlik TIV rasmiy vakili Majid bin Muhammad al Ansoriy ma’lum qildi.
Hukumatim nomidan shuni taʼkidlaymanki, biz har ikki tomonning tinchlikka erishish istagini ko‘rganimizdan so‘ng, Qatar bu mojaroni tinchlik bilan hal qilish yo‘lidagi barcha saʼy-harakatlarni to‘liq yangilashini ko‘rasiz, dedi u Rimda bo‘lib o‘tgan O‘rta Yer dengizi konferensiyasida.
Rasmiy, shuningdek, hukumat bu yo‘lda hech qachon taslim bo‘lmasligini ta’kidlagan.
Biz buni hatto ushbu vazifani bajarish uchun harakatlarimiz to‘xtatilganini va bu harakatlarni nima uchun to‘xtatganimizni e’lon qilgan bayonotimizda juda aniq aytdik, dedi u.
Qatar TIV vakilining qayd etishicha, Qatar har ikkala tomonning tayyorligini ko‘rsa, darhol muzokaralar stoliga qaytishga tayyor.
Biz xalqaro hamjamiyatga, mojaroning har ikki tomoniga bosim o‘tkazyapmiz, deya qo‘shimcha qilgan u.
Al Ansoriyning so‘zlariga ko‘ra, “vositachi undan tomonlardan biri mojaroni davom ettirish uchun foydalanmasligidan ogoh bo‘lishi kerak”.
Bunda vositachi “chiziqni chizishi” va ziddiyatli tomonlar pozitsiyalari o‘zgarishini kutishi kerak. Agar muzokarachilar kelishuvga erishishni istamasalar, dunyodagi hech bir vositachi qanchalik kuchli bo‘lmasin, kelishuvga erishish uchun sharoit yarata olmaydi, deya qo‘shimcha qildi Qatar TIV vakili.
27-noyabr kuni Livan va Isroil o‘rtasida o‘t ochishni to‘xtatish kelishuvi kuchga kirdi. AQSH prezidenti Jo Bayden Isroil va Livandagi “Hizbulloh” shia harakati o‘rtasidagi kelishuvlarga ko‘ra, Livan armiyasi va xavfsizlik kuchlari respublika hududi ustidan nazoratni 60 kun ichida tiklashini aytdi. Shundan so‘ng Isroil armiyasi Livan hududidan bosqichma-bosqich chiqib ketadi.
France-Presse HAMASning ismini oshkor etmagan vakiliga tayanib xabar qilganidek, Falastin harakati Misr, Qatar va Turkiyadagi vositachilarni G‘azo sektorida o‘t ochishni to‘xtatish bo‘yicha kelishuv tuzishga tayyorligi haqida xabardor qilgan.
Izoh (0)