APL. “Manchester Siti” Erling Holandning dubli evaziga “Tottenhem”ni mag‘lub etdi

Futbol bo‘yicha Angliya Premyer Ligasining qoldirilgan 34-turida “Manchester Siti” va “Tottenhem” 14-may, seshanba kuni bo‘lib o‘tdi.

Uchrashuvning birinchi bo‘limida darvozalar ishg‘ol etilmadi. Ikkinchi bo‘limda esa “shaharliklar” bosimni kuchaytirdi va hisobni ochdi. 51-daqiqada Erling Holand o‘z nomini tabloga yozdirib qo‘ydi.

90+1-daqiqada Manchester klubi penalti ishladi va uni Holand aniq amalga oshirdi. Shu tariqa o‘yin 2:0 hisobida bilan yakunlandi.

Pep Gvardiola shogirdlari ushbu g‘alabadan so‘ng ochkolarini 88 taga yetkazib, musobaqa jadvalida 1-o‘ringa ko‘tarilib oldi. 

APL

34-tur bahsi

14-may, seshanba

“Tottenhem” — “Manchester Siti” 0:2

Gollar: 0:1 – 51 Holand, 0:2 — 90+1 Holand (penalti).

“Tottenhem”: Vikario, Porro, Romero, Dregushin, van de Ven, Hyoyberg, Meddison, Bentankur (Kulusevski, 55), Sarr, Son Hyon Min, Jonson.

“Manchester Siti”: Ederson (Ortega, 69), Uoker, Ruben Diash, Akanji, Gvardiol, Kovachich, de Bryuyne (Doku, 69), Bernardu Silva, Rodri, Foden, Holand.

Ogohlantirishlar: Bentankur (36), Sarr (57), Romero (63), Kovachich (70).