APL. “Manchester Siti” Erling Holandning het-trigi evaziga “Vest Hem”dan ustun keldi

Futbol bo‘yicha Angliya Premyer Ligasining 3-turi doirasida “Manchester Siti” va “Vest Hem” jamoalari 31-avgust, shanba kuni o‘zaro bahs olib bordi.

Uchrashuvning 10-daqiqasida Erling Holand “shaharliklar”ni hisobda oldinga olib chiqdi. 19-daqiqada esa Ruben Diash o‘z darvozasini ishg‘ol qildi. Natijada hisob tenglashdi. 30-daqiqaga kelib, Manchester klubi Holandning goli evaziga hisobda oldinga chiqib oldi.

Ikkinchi bo‘limda ham “Manchester Siti” ustunlik qildi. 83-daqiqada Erling het-trikni rasmiylashtirdi.

Qolgan daqiqalarda darvozalar daxlsiz qoldi va Pep Gvardiola shogirdlari 3:1 hisobida g‘alaba qozondi.

APL

3-tur

31-avgust, shanba

“Vest Hem” — “Manchester Siti” 1:3

Gollar: 0:1 – 10 Holand, 1:1 – 19 Ruben Diash (avtogol), 1:2 – 30 Holand, 1:3 – 83 Holand.

“Vest Hem: Areolya (Fabianski, 46), Emerson (Soufal, 71), Kilmen, Mavropanos, Uan-Bissaka, Alvares (Souchek, 77), Rodriges, Kudus, Lukas Paketa, Bouen (Sammervill, 86), Antonio (Fyullkrug, 71).

“Manchester Siti”: Ederson, Gvardiol (Uoker, 88), Ruben Diash, Akanji, Lyuis, Kovachich, Grilish (Mateush Nunesh, 72), de Bryuyne (Ake, 88), Bernardu Silva, Doku (Gundo‘g‘an, 68), Holand.

Ogohlantirishlar: de Bryuyne (44), Emerson (61), Kilmen (63), Rodriges (75).