Ijtimoiy tarmoqlarda Andijonda transformator ichiga kirgan 4 yoshli qizchani tok urgani aytilgan xabarlar tarqaldi. "Hududiy elektr tarmoqlari” AJ Andijon hududiy filiali holatga izoh berdi.
Unda aytilishicha, 13-iyul kuni Yangi Andijon shaharchasida joylashgan ko‘p qavatli uylarning yerto‘lasida joylashgan 35/04 kVt kuchlanishli quvvati 1000 kVA bo‘lgan161-sonli transformator punktida qisqa tutashuv sodir bo‘lgan.
Bu vaqtda yosh qizchaning mushugi to‘satdan eshik tirqishidan yerto‘laga kiradi va ishlab turgan katta kuchlanish ostida bo‘lgan transformator punktiga kirib qolishi natijasida qisqa tutashuv sodir bo‘ladi. Chaqnash vaqtida mushugini eshik ortidan poylab turgan qizaloq yuz qismidan kuyish tan jarohatini oladi.
Shundan so‘ng qizaloqqa birinchi tez tibbiy yordam ko‘rsatildi va shifoxonaga olib borildi. Hozirda holati yaxshi ekani aytilgan.
Toshkentda temiryo‘lning belgilangan qismidan velosipedda kesib o‘tayotgan bolani poyezd urib ketgani haqida xabar berilgan edi. Shuningdek, poyezd ustida selfi tushmoqchi bo‘lgan ikki bolani tok urgandi.
Andijonda esa reklama banneri ilayotgan shaxsni kuchli tok urgani xabar qilingandi.
Izoh (0)