Fransiyalik sobiq futbolchi Nikolya Anelka “Real Madrid” hujumchisi Kilian Mbappe haqida fikr bildirdi.
Jumladan, futbolchi hamyurti duch kelayotgan muammolar haqida gapirgan.
“Mbappe jiddiy bosimga duch keldi. O‘ylashimcha, unda ruhiy tomondan muammolar mavjud. Kilian ishlashda davom etishi va sabrli bo‘lishi zarur. Klub unga ishonch bildirdi, oradan esa hali yarim yil ham o‘tmadi”, deydi Anelka.
Nikolya o‘z so‘zida Mbappega qarab 25 yil avvalgi o‘zini ko‘rgandek bo‘lishini aytdi.
“Men yaqindagina YChLni yutgan “Real”ga kelgandim. Klub prezidenti bu transferni juda istagan, lekin jamoada menga joy topilmasdi. Menda ham xuddi shunday muammolar bo‘lgan, farqimiz — men o‘shanda 20 yoshda edim. Bu kabi holatlarda sabrli bo‘lish muhim. Men o‘zimni kutishmagan kiyinish xonasiga borib qo‘shilgandim. Mavsum davomida ehhe nimalar bo‘lib o‘tmagan. Natijada men ketishga qaror qilganman. Kilianning xarakteri boshqacha. U sabrli bo‘lishga, kutishga rozi bo‘lishi mumkin”, deya qo‘shimcha qilgan fransuz.
Maʼlumot uchun, Anelka 1999—2000-yillarda “qirollik klubi” safida faoliyat olib borgan.
Izoh (0)