AQSHning saylangan prezidenti Donald Tramp Isroil bosh vaziri Binyamin Netanyaxudan G‘azo sektoridagi g‘alabani e’lon qilishni va vositachilar orqali o‘t ochishni to‘xtatishni so‘rashi mumkin. Bu haqda CNN isroillik sobiq diplomatga tayanib xabar berdi.
“U shunday dedi: Buni tugat, menga bu mojaro kerak emas”, deydi sobiq diplomat Tramp haqida gapirar ekan.
Uning ta’kidlashicha, respublikachi, ehtimol, yahudiy davlati hukumati rahbaridan “g‘alabani e’lon qilishni” va keyin vositachilar orqali bitim tuzishni so‘rashi mumkin.
CNN tahlilchilarga iqtibos keltirgan holda ta’kidlaganidek, G‘azoda o‘t ochishni to‘xtatish mavzusi AQSH yangi ma’muriyatining “asosiy yo‘nalishi”ga aylanadi.
NBC avvalroq xabar berganidek, Isroil hukumati prezident Jo Bayden faoliyatining so‘nggi oylarida AQSH Isroilga bosimni kuchaytirishi mumkinligidan xavotirda.
Tramp saylovda g‘alaba qozonsa, Yaqin Sharqdagi tartibsizlikni to‘xtatishini bir necha bor ta’kidlagan edi. Siyosatchi, shuningdek, agar u Amerika maʼmuriyatiga rahbarlik qilganida, mintaqadagi keskinlik hozirgi darajaga yetib kelmasligini qo‘shimcha qilgandi.
Izoh (0)