АҚШнинг сайланган президенти Дональд Трамп Исроил бош вазири Биньямин Нетаньяхудан Ғазо секторидаги ғалабани эълон қилишни ва воситачилар орқали ўт очишни тўхтатишни сўраши мумкин. Бу ҳақда CNN исроиллик собиқ дипломатга таяниб хабар берди.
“У шундай деди: Буни тугат, менга бу можаро керак эмас”, дейди собиқ дипломат Трамп ҳақида гапирар экан.
Унинг таъкидлашича, республикачи, эҳтимол, яҳудий давлати ҳукумати раҳбаридан “ғалабани эълон қилишни” ва кейин воситачилар орқали битим тузишни сўраши мумкин.
CNN таҳлилчиларга иқтибос келтирган ҳолда таъкидлаганидек, Ғазода ўт очишни тўхтатиш мавзуси АҚШ янги маъмуриятининг “асосий йўналиши”га айланади.
NBC аввалроқ хабар берганидек, Исроил ҳукумати президент Жо Байден фаолиятининг сўнгги ойларида АҚШ Исроилга босимни кучайтириши мумкинлигидан хавотирда.
Трамп сайловда ғалаба қозонса, Яқин Шарқдаги тартибсизликни тўхтатишини бир неча бор таъкидлаган эди. Сиёсатчи, шунингдек, агар у Америка маъмуриятига раҳбарлик қилганида, минтақадаги кескинлик ҳозирги даражага етиб келмаслигини қўшимча қилганди.
Изоҳ (0)