Markaziy bank asosiy stavkani 13,5 foiz darajasida o‘zgarishsiz qoldirishi, Parlamentga saylangan deputatlar ro‘yxati eʼlon qilinishi, poytaxt hokimi issiqlik taʼminoti narxini 15 foizga oshirish bo‘yicha qaror qabul qilishi — “Daryo” nashri bugun, 31-oktyabrda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Davlat chegara rejimi to‘g‘risidagi nizom tasdiqlandi
U davlat chegarasini jihozlash, davlat chegarasini shaxslar va transport vositalari tomonidan kesib o‘tish, tovarlarni olib o‘tish, chegarada xo‘jalik faoliyatini hamda boshqa faoliyatni amalga oshirish, shuningdek, chegaraviy mojarolarni hal etish tartibini belgilaydi.
Shifokorlar oyligi qachon ming dollarga yetadi? Sog‘liqni saqlash vaziri javob berdi
“Tibbiyot muassasalarida KPI tizimi yo‘lga qo‘yilyapti”, deydi Asilbek Xudayarov.
Toshkentda YPX inspektorlari va fuqarolar o‘rtasidagi tortishuvli holat yuzasidan munosabat bildirildi
Haydovchilar IIO xodimlarining qonuniy talablarini bajarmasdan, ularga faol qarshilik ko‘rsatgan, deyiladi Yo‘l harakati xavfsizligi boshqarmasi axborotida.
Farg‘onada avtobuslarda yo‘lkira narxi 1000 so‘mga qimmatlashmoqda
Farg‘ona viloyati hokimining qarori bilan shaharlarda, shahar yo‘lovchilar transportida yo‘lovchilar va bagaj tashish xizmatlarining cheklangan tarifi belgilanmoqda.
Markaziy bank asosiy stavkani 13,5 foiz darajasida o‘zgarishsiz qoldirdi
Inflyatsiyani oshiruvchi bosimlar saqlanib qolmoqda.
Yangi Toshkentda yerlar savdoga chiqarilmoqda: 2,7 gektar yer ikki baravar qimmatga sotildi
O‘sib borish tartibidagi savdoda “O‘zguven Mimarlik Inshaat” xususiy korxonasi 25,7 mlrd so‘m bilan g‘olib bo‘lgan.
Yaqin mintaqada bunday korxona yo‘q. Prezident Navoiyda vodorod peroksidi ishlab chiqaruvchi zavodda bo‘ldi
Shavkat Mirziyoyev viloyatga tashrifini ushbu qo‘shma korxona faoliyati bilan tanishuvdan boshladi.
O‘zbekistonda ko‘pxotinlilikni targ‘ib qilishda jazolanganlar soni ma’lum qilindi
Oliy sud bir yil ichida sudlanganlar haqida ma’lumot berdi.
Shavkat Mirziyoyev Karmanada qurilayotgan yirik kimyo texnoparkida bo‘ldi
Majmua uchun 130 gektar yer ajratilgan bo‘lib, qiymati 1 mlrd dollardan ortiq 18 ta loyiha amalga oshiriladi.
Noyabrdan tabiiy gazning ijtimoiy norma miqdori oshirilishi ma’lum qilindi
Noyabrdan oylik bazaviy me’yorlar isitish mavsumi uchun mo‘ljallangan shkalaga o‘tadi.
Prezident Navoiydagi sanoat korxonalarining mahsulotlari bilan tanishdi (foto)
2024-yil yakuni bo‘yicha eksport hajmi 1 million dollarga yetishi kutilmoqda.
Parlamentga saylangan deputatlar ro‘yxati eʼlon qilindi. Unda vazirlar yo‘q
Tarmoqlarda Ozodbek Nazarbekov va Hilola Umarova lavozimini tark etib, deputatlikni tanlagani haqida xabarlar tarqalgan edi.
Qashqadaryolik fermer ozodlikka chiqdi
U tilxat ehtiyot chorasi bilan qo‘yib yuborilgan.
Navoiyda 26,8 mlrd dollarlik strategik va yirik loyiha amalga oshiriladi
Prezident yangi investitsiya loyihalari taqdimoti bilan tanishdi.
Poytaxt hokimi issiqlik taʼminoti narxini 15 foizga oshirish bo‘yicha qaror qabul qildi
Xizmat narxi aholi uchun 121 617 so‘m/Gkal etib belgilandi.
Toshkentdagi “dom”lardan birida sodir bo‘lgan yong‘in oqibatida 74 yoshli fuqaro vafot etdi
Birlamchi maʼlumotlarga ko‘ra, halok bo‘lgan fuqaro yotoq joyida tamaki mahsulotini chekish natijasida yong‘in sodir bo‘lgan.
“Bu yerga 8 ta tuman, 3 ta shaharning ertangi kuni qanday bo‘ladi, degan savolga javob topish uchun keldik” — prezident Yangi Navoiy shaharchasi qurilishi bilan tanishdi
Davlat rahbari nuroniylar va ziyolilar bilan suhbatlashdi.
Toshkentda “prava” olish imtihonlari uchun narxlar oshmagani maʼlum qilindi
Tarmoqlarda tarqalgan xabarlar asossizligi aytildi.
Shavkat Mirziyoyev: “Mening eng katta tashvishim, maqsadim — yoshlar tarbiyasi”
Prezident Navoiy shahridagi 22-son umumtaʼlim maktabida bo‘ldi.
Toshkentda yo‘l talashgan ikki haydovchi o‘zaro janjallashdi
Holat yuzasidan haydovchilarga nisbatan maʼmuriy bayonnoma rasmiylashtirildi.
Shavkat Mirziyoyev Navoiydagi politexnikumni borib ko‘rdi
“Kasbni mahkam tutib, hayotda o‘z o‘rningizni toping”, dedi prezident.
Izoh (0)