Farg‘ona viloyati hokimining qarori bilan shaharlarda, shahar yo‘lovchilar transportida yo‘lovchilar va bagaj tashish xizmatlarining cheklangan tarifi belgilanmoqda. Bu haqda Adliya vazirligining yagona elektron tizimida ma’lum qilindi.
Qarorga ko‘ra:
- avtobuslarda bir nafar yo‘lovchi uchun yo‘l haqi 3 ming so‘m;
- jamoat transportida naqd pulsiz to‘lov tizimini jozibadorligini oshirish, mazkur tizimdan foydalanishda yo‘lovchilarni keng jalb qilish, sohadagi yashirin iqtisodiyot ulushini kamaytirish maqsadida avtobuslarda elektron shaklda to‘langan to‘lovlar (transport kartasi, ATTO, bank kartalar) orqali bir nafar yo‘lovchi uchun bir martalik rag‘batlantiruvchi yo‘l haqi tarifi 2 ming 400 so‘m yo‘nalishli taksi (mikroavtobus)larda bir nafar yo‘lovchi uchun 4 ming so‘m.
Qo‘l yuki uchun
Yo‘lovchi hajmi 60x40x20 sm va og‘irligi 20 kilogrammdan ortiq bo‘lmagan qo‘l yuki hamda musiqa asbobini, 150 santimetrgacha uzunlikdagi buyumlarni, shuningdek qafasga solingan mayda hayvonlar va parrandalarni, aravachani (bolalar, nogironligi bo‘lgan shaxslar va boshqalarning aravachalarini), mayda bog‘dorchilik inventari, bolalar chanalarini o‘zi bilan birga bepul olib yurish huquqiga ega;
Bolalar uchun
Shahar yo‘nalishlaridagi avtobuslarda yo‘lovchilarning 7 yoshgacha bo‘lgan bolalari uchun haq undirilmaydi.
Ma’lumot uchun, hozirgi kunda viloyatda shahar yo‘lovchilar transportida avtobuslarda bir nafar yo‘lovchi uchun yo‘l haqi 2 ming so‘m.
Izoh (0)