Toshkent shahar, Olmazor tumani, “Chinobod” MFY, Sag‘bon 30-berk ko‘chasida joylashgan 5-uydagi xonadonlarning birida 31-oktyabr kuni soat 02:13 da yong‘in sodir bo‘ldi. Bu haqda FVV matbuot xizmati xabar berdi.
Maʼlum qilinishicha, yong‘in-qutqaruv ekipaji voqea joyiga yetib borib, yong‘in qisqa vaqt ichida bartaraf etilgan.
Hodisa oqibatida xonadonning taxminan 10 kv metr maydonda ichki qismi yonib zararlangan. Xonadonda yashovchi 1950-yilda tug‘ilgan fuqaro halok bo‘lgan.
Oila aʼzolarining so‘zlariga ko‘ra, 1950-yilda tug‘ilgan fuqaro insult kasalligiga uchragani va shu sababli harakatlana olmagani uchun oxirgi yillari yotoq holatida bo‘lgan.
Birlamchi maʼlumotlarga ko‘ra, halok bo‘lgan fuqaro yotoq joyida tamaki mahsulotini chekish natijasida yong‘in sodir bo‘lgan.
Hozirgi vaqtda yong‘in sababi va moddiy zarar miqdorini aniqlash bo‘yicha surishtiruv ishlari olib borilmoqda.
Izoh (0)