Rossiya suyultirilgan gaz eksporti uchun atom suvosti kemalarini loyihalashni boshladi.
Suyultirilgan tabiiy gaz (stg) Arktikadan Osiyoga yetkazib beriladi. Kurchatov nomidagi Rossiyaning yetakchi yadroviy tadqiqot instituti direktori Mixail Kovalchukning ma’lum qilishicha, suvosti kemalaridan foydalanish Shimoliy dengiz yo‘li bo‘ylab tashish vaqtini ikki barobarga qisqartirishi mumkin.
Hozirda Rossiyada tankerlar uchun yo‘lni ochib beruvchi muzyorar kemalari yetishmayapti, bu esa muhim ta’minotni kechiktirmoqda. RBC nashrining xabar berishicha, loyiha reyslar davomiyligini 20 kundan 12 kungacha qisqartirishni va’da qilmoqda. Uning mualliflariga ko‘ra, yangi suvosti kemalari 180 ming tonnaga yaqin suyultirilgan gaz tashishga mo‘ljallangan hamda Arktikada muzyorar yordamisiz butun yil davomida ishlay oladi.
Atom energetikasi bo‘yicha mutaxassis Aleksandr Nikitin esa bu loyihaning maqsadga muvofiqligiga shubha qilgan. Norvegiyaning The Barents Observer portaliga bergan intervyusida u buni “aqlbovar qilmaydigan” deb atagan hamda Rossiya hatto oddiy tankerlar va yuk kemalarini ham qurishga qodir emasligini aytgan.
“Texnologiya, iqtisodiyot va sanoatni joriy etish bo‘yicha hisob-kitoblar yetarli emas. Rossiyada oddiy kema qurish inshootlari ham yo‘q. Qisqasi, bu bema’nilik!”, deydi u.
Izoh (0)