Futbol bo‘yicha Italiya A Seriyasining 8-turida “Roma” 20-oktyabr, yakshanba kuni “Inter”ga qarshi bahs olib bordi.
Uchrashuvning birinchi bo‘limida darvozalar ishg‘ol etilmadi.
Ikkinchi bo‘limda esa milanliklar hisobni ochdi. 60-daqiqada Lautaro Martines darvozani ishg‘ol etdi. Qolgan daqiqalarda darvozalar ishg‘ol etilmadi va “Inter” kichik hisobdagi g‘alabani rasmiylashtirdi.
Qayd etib o‘tish kerak, Eldor Shomurodov o‘yinda maydonga tushirilmadi.
“Nerazzuri” ushbu g‘alabadan so‘ng ochkolarini 17 taga yetkazib, 2-o‘rinda bormoqda. Rim klubi esa 10 ochko to‘plagan holda 10-pog‘onani band etgan.
A Seriya
8-tur bahsi
20-oktyabr, yakshanba
“Roma” — “Inter” 0:1
Gol: 0:1 – 60 Martines.
“Roma”: Svilar, Anxelino (Ermoso, 79), Ndika, Manchini, Pellegrini, Dibala (Soule, 79), Chelik, Zalevski (Baldansi, 72), Kristante (Le Fe, 79), Kone (Pizilli, 53), Dovbik.
“Inter”: Zommer, Bastoni (Bissek, 71), Acherbi (de Vrey, 27), Pavar, Dimarko, Darmian (Dumfris, 71), Mxitaryan, Chalhanoglu (Frattezi, 12), Barella, Martines (Korrea, 72), Tyuram.
Ogohlantirishlar: Inzagi (35), Barella (48), Kristante (49), Pizilli (62), Darmian (68), Korrea (78).
Izoh (0)