Футбол бўйича Италия А Сериясининг 8-турида “Рома” 20 октябрь, якшанба куни “Интер”га қарши баҳс олиб борди.
Учрашувнинг биринчи бўлимида дарвозалар ишғол этилмади.
Иккинчи бўлимда эса миланликлар ҳисобни очди. 60-дақиқада Лаутаро Мартинес дарвозани ишғол этди. Қолган дақиқаларда дарвозалар ишғол этилмади ва “Интер” кичик ҳисобдаги ғалабани расмийлаштирди.
Қайд этиб ўтиш керак, Элдор Шомуродов ўйинда майдонга туширилмади.
“Нераззури” ушбу ғалабадан сўнг очколарини 17 тага етказиб, 2-ўринда бормоқда. Рим клуби эса 10 очко тўплаган ҳолда 10-поғонани банд этган.
А Серия
8-тур баҳси
20 октябрь, якшанба
“Рома” — “Интер” 0:1
Гол: 0:1 – 60 Мартинес.
“Рома”: Свилар, Анхелино (Эрмосо, 79), Ндика, Манчини, Пеллегрини, Дибала (Соулэ, 79), Челик, Залевски (Балданси, 72), Кристанте (Ле Фе, 79), Коне (Пизилли, 53), Довбик.
“Интер”: Зоммер, Бастони (Биссек, 71), Ачерби (де Врей, 27), Павар, Димарко, Дармиан (Думфрис, 71), Мхитарян, Чалҳаноглу (Фраттези, 12), Барелла, Мартинес (Корреа, 72), Тюрам.
Огоҳлантиришлар: Инзаги (35), Барелла (48), Кристанте (49), Пизилли (62), Дармиан (68), Корреа (78).
Изоҳ (0)