A Seriya. “Inter” safarda raqib darvozasiga javobsiz 6 ta gol urdi, “Milan” so‘nggi daqiqalarda mag‘lubiyatdan qutulib qoldi, “Roma”da esa durang

Futbol bo‘yicha Italiya A Seriyasining 33-turidan o‘rin olgan qator uchrashuvlar 3-may, chorshanba kuni o‘tkazildi.

“Inter” safarda “Verona”ni 6:0 hisobida tor-mor etdi. Milanliklar safida Edin Jeko va Lautaro Martines ikkidan gol urgan bo‘lsa, Hoqon Chalhano‘g‘lu bitta gol muallifiga aylandi. Yana bir gol Adolfo Gaich hisobiga yozildi. Futbolchi o‘z darvozasini ishg‘ol etib qo‘ydi.

“Milan” “Kremoneze”ga qarshi bahs olib bordi. Uchrashuvning 77-daqiqasida David Okereke hisobni ochdi. O‘yin yakunlanishiga bir necha daqiqa qolganda esa Messias gol urib, hisobni tenglashtirdi va jamoasining durang natijasiga hissa qo‘shdi.

“Roma” “Monsa”ga qarshi o‘ynadi. 24-daqiqada Stefan ash-Sharaavining goliga 39-daqiqada Luka Kaldirola javob berdi. Qolgan daqiqalarda esa darvozalar ishg‘ol etilmadi va o‘yin durang bilan yakunlandi.

33-turdan so‘ng “Inter” 60 ochko bilan 4-o‘rin, “Milan” 58 ochko bilan 6-o‘rin, “Roma” esa 58 ochko bilan 7-o‘rindan joy oldi. 

A Seriya

33-tur bahslari

3-may, chorshanba

“Verona” – “Inter” 0:6

Gollar: 0:1 – 31 Gaych (avtogol), 0:2 – 36 Chalhano‘g‘lu, 0:3 – 37 Jeko, 0:4 – 55 Martines, 0:5 – 61 Jeko, 0:6 – 90 Martines.

“Verona”: Montipo, Depaoli, Faraoni, Manyani, Xin (Koppola, 62), Chekkerini (Kabal, 82), Lazovich (Doyg, 46), Tamez, Abilgor, Verdi (Duda, 46), Gaych (Jurich, 70).

“Inter”: Handanovich, Dumfris (Zanotti, 65), de Vrey, D’Ambrozio (Bellanova, 57), Acherbi, Dimarko (Darmian, 57), Mxitaryan (Galyardini, 65), Brozovich (Aslani, 78), Chalhano‘g‘lu, Jeko, Martines.

“Milan” – “Kremoneze” 1:1

Gollar: 0:1 – 77 Okereke, 1:1 – 90 Messias.

“Milan”: Menyan, Kalabriya, Tiav, Kalulu, Ballo-Ture, Bennaser (Krunich, 46), Braim Dias, Salemakers (Messias, 75), de Ketelare (Jiru, 63), Vranks (Tonali, 75), Origi (Rafael Leau, 63).

“Kremoneze”: Karnezekki, Sernikola, Kirikesh (Gilone, 73), Lochoshvili, Vaskes, Buonayuto (Valeri, 56), Meyte, Benassi (Okereke, 56), Galdames (Kastanetti, 84), Pikel, Afena-Gyan (Ferrari, 73).

Ogohlantirishlar: Galdames (83), Vaskes (90), Gilone (90).

Chetlatish: Pikel (90).

“Monsa” – “Roma” 1:1

Gollar: 0:1 – 24 ash-Shaaravi, 1:1 – 39 Kaldirola.

“Monsa”: Di Gregorio, Kaldirola (Marlon, 86), Mari, Isso, Karlos Augusto, Pessina, Kolpani (Birindelli, 46), Rovella (Machin, 65), Churria, Kaprari (Valoti, 66), Mota (Gyutkyaer, 86).

“Roma”: Ruy Patrisiu, Chelik, Manchini, Rojer, Kristante, Zalevski (Spinassola, 61), Pellegrini, Bove (Tahirovich, 84), ash-Shaaravi (Volpato, 69), Solbakken (Kamara, 61), Abraham.

Ogohlantirishlar: Palladino (35), Churria (43), Kristante (53), Pellegrini (58), Isso (90), Chelik (90), Pessina (90).

Chetlatish: Chelik (90).