So‘nggi yangiliklar
    • USD 12175.07
    • RUB 125.42
    • EUR 12831.31
    Sport

    A Seriya. “Inter” 5 ta gol urilgan o‘yinda “Atalanta”dan ustun keldi, “Roma” so‘nggi daqiqalarda urilgan gollar evaziga mag‘lubiyatga uchradi

    6142

    Futbol bo‘yicha Italiya chempionatining 37-turidan o‘rin olgan o‘yinlar 27-may, shanba kuni bo‘lib o‘tdi.

    Foto: Getty Images

    “Inter” o‘zida “Atalanta”ni qabul qildi va 3:2 hisobida g‘alaba qozondi. “Nerazzuri” safida Romelu Lukaku, Nikolo Barella va Lautaro Martineslar o‘z hisobiga gol yozdirib qo‘ydi. Mehmonlar tarkibida Mario Pashalich bitta gol muallifiga aylangan bo‘lsa, yana bitta gol Onana hisobiga avtogol sifatida yozildi. 

    “Roma” safarda “Fiorentina” mehmoni bo‘ldi. Uchrashuvning 11-daqiqasida rimliklar ash-Shaaravining goli evaziga hisobni ochdi. Shundan so‘ng mezbonlar to‘p nazoratida ustunlik qildi va bir nechta xavfli vaziyatlar yaratdi. Faqatgina 85-daqiqada Luka Yovichning goli evaziga hisobni tenglashtirishga muvaffaq bo‘ldi. Oradan 3 daqiqa o‘tib, Jonatan Ikone “Fiorentina”ga g‘alaba keltiruvchi golni urdi. Shu tariqa Joze Mourinyo shogirdlari o‘yinning katta qismida hisobda oldinda borib, so‘nggi daqiqalarda mag‘lubiyatga uchradi.

    Eldor Shomurodov to‘p surayotgan “Spetsiya” “Torino”ga qarshi bahs olib bordi va 0:4 hisobida imkoniyatni boy berdi. O‘zbekistonlik futbolchi uchrashuvda maydonga tushmadi. 

    Shanba kungi o‘yinlardan so‘ng turnir jadvali quyidagicha ko‘rinish oldi:

    Skrin Sofascore

    A Seriya

    37-tur bahslari

    27-may, shanba

    “Inter” – “Atalanta” 3:2

    Gollar: 1:0 – 1 Lukaku, 2:0 – 3 Barella, 2:1 – 36 Pashalich, 3:1 – 77 Martines, 3:2 — 90+1 Onana (avtogol).

    “Inter”: Onana, Dumfris, D’Ambrozio (Darmian, 83), Acherbi, Bastoni (de Vrey, 81), Dimarko (Gozens, 70), Brozovich, Chalhano‘g‘lu, Barella (Aslani, 81), Lukaku (Jeko, 81), Martines.

    “Atalanta”: Sportello, Mele (Okoli, 86), Toloi, Jimshiti, Skalvini, Zappakosta, de Ron, Pashalich (Lukman, 61), Kopmeyners, Ederson (Muriel, 69), Heylund.

    Ogohlantirish: Toloi (58).

    “Fiorentina” – “Roma” 2:1

    Gollar: 0:1 – 11 ash-Shaaravi, 1:1 – 85 Yovich, 2:1 – 88 Ikone.

    “Fiorentina”: Cherofolini, Venuti (Dodo, 62), Martines (Milenkovich, 46), Igor Julio, Biragi (Terzich, 46), Saponara (Sottil, 61), Dankan (Kuame, 76), Barak, Mandragora, Ikone, Yovich.

    “Roma”: Svilar, Missori, Smolling (Manchini, 46), Lyorente, Zalevski (Abraham, 80), Veynaldum (Kristante, 60), Bove, Solbakken (Rojer, 71), Belotti, Tahirovich, ash-Shaaravi (Chelik, 46).

    Ogohlantirishlar: Saponara (25), Missori (32), Martines (43), Venuti (50), Solbakken (58), Yovich (64), Svilar (75), Igor Julio (77).

    “Spetsiya” – “Torino” 0:4

    Gollar: 0:1 – 24 Visnevski (avtogol), 0:2 – 72 Richchi, 0:3 – 76 Ilich, 0:4 – 90 Karamo.