Futbol bo‘yicha Italiya A Seriyasining 34-turidan o‘rin olgan qator uchrashuvlar 6-may, shanba kuni o‘tkazildi.
“Milan” o‘z maydonida “Latsio”ni qabul qildi. Uchrashuvning 17-daqiqasida Ismael Bennaser hisobni ochdi. 29-daqiqada esa Teo Ernandes hisobni ishonchli ko‘rinishga olib keldi. Qolgan daqiqalarda gol urilmadi va milanliklar g‘alaba qozondi.
“Rossoneri” ochkolari sonini 61 taga yetkazib, 5-o‘rinni egallab turibdi. “Latsio” esa 64 ochko bilan 2-pog‘onada joylashgan.
“Roma” “Inter” bilan bahs olib bordi. 33-daqiqada Federiko Dimarko Milan klubini hisobda oldinga olib chiqdi. 74-daqiqada Romelu Lukaku “nerazzuri”ning navbatdagi goli muallifiga aylandi.
Milanliklar ochkolarini 63 taga yetkazib, 3-o‘ringa ko‘tarilib oldi. “Roma” 58 ochko bilan 7-o‘rinni band etgan.
A Seriya
34-tur bahslari
6-may, shanba
“Milan” – “Latsio” 2:0
Gollar: 1:0 – 17 Bennaser, 2:0 – 29 Ernandes.
“Milan”: Menyan, Kalabriya (Kalulu, 46), Kyer (Tiav, 46), Tomori, Ernandes (Ballo-Ture, 80), Krunich, Bennaser, Tonali, Rafael Leau (Salemakers, 11), Messias, Jiru (Rebich, 69).
“Latsio”: Provedel, Marushich (Ladzari, 56), Romanyoli, Kazale, Hyusay (Pellegrini, 68), Luis Alberto, Milinkovich-Savich (Bashich, 68), Markos Antonio, Felipe Anderson, Zakkani (Pedro, 56), Immobile (Kancheleri, 81).
Ogohlantirishlar: Romanyoli (20), Marushich (24), Kalabriya (42), Kazale (60), Pellegrini (88), Tiav (89).
“Roma” – “Inter” 0:2
Gollar: 0:1 – 33 Dimarko, 0:2 – 74 Lukaku.
“Roma”: Ruy Patrisiu, Manchini, Rojer, Kristante, Spinassola, Zalevski, Matich, Pellegrini, Kamara, Bove (Dibala, 72), Belotti (Abraham, 75).
“Inter”: Onana, Dumfris (Bellanova, 60), Darmian, Acherbi, Bastoni, Dimarko (de Vrey, 71), Brozovich, Chalhano‘g‘lu (Mxitaryan, 71), Barella (Galyardini, 82), Korrea (Martines, 60), Lukaku.
Ogohlantirishlar: Manchini (27), Pellegrini (58), Martines (65), Spinassola (77), Galyardini (84).
Izoh (0)