Аббос Файзуллаев AFC Awards 2023 Осиёнинг энг яхши ёш футболчиси мукофотига номзод бўлди.
Ўзбекистонлик футболчидан ташқари япониялик Кагу Навата (“Камигаку У-18”) ҳамда Жанубий кореялик Баэ Жун Ҳо (“Сток Сити”) ушбу мукофотга номзодлар қаторида тилга олинган. Япониялик футболчи 17 ёшгача бўлганлар ўртасидаги Осиё чемпионатининг энг яхши ўйинчиси деб эътироф этилган. Жанубий кореялик футболчи “Сток Сити”да кетма-кет иккинчи мавсум ўйнамоқда. У жамоа сафида 50 дан ортиқ ўйин ўтказиб, 2 та гол ва 8 та голли узатмани амалга оширган.
Аббосбек 14 октябрь куни “ЦСКА”да сентябрь ойининг энг яхши футболчиси деб топилганди. Ўтган ойда футболчи клуб сафида барча мусобақаларда 5 та ўйинда майдонга тушиб, 2 та гол ва 3 та голли узатмага муаллифлик қилганди.
Аббосбекнинг москваликлар билан амалдаги шартномаси 2026 йил ёзига қадар мўлжалланган. Transfermarkt порталига кўра, Файзуллаевнинг трансфер нархи 6 миллион еврони ташкил этади.
Натижалар 29 октябрь куни эълон қилинади.
Изоҳ (0)