Fransiyaning Parij shahrida yozgi Olimpiada o‘yinlari doirasida futbol musobaqasining birinchi tur uchrashuvlari o‘z yakuniga yetdi.
Ispaniyaga qarshi uchrashuvda asosiy tarkibda maydonga tushgan Abbosbek Fayzullayev O‘zbekiston 24 telekanaliga o‘yindan keyingi fikrlarini bildirib o‘tdi.
“Qiyin o‘yin bo‘ldi. O‘yinga yaxshi tayyorgarlik ko‘rgan edik. Biz ulardan kuchsiz emas edik. Bunday o‘yinlarda, natijani bitta vaziyat hal qilib ketadi. Oldimizda ikkita o‘yin bor. Keyingi o‘yinlarda g‘alaba qozonib, nasib qilsa, guruhdan chiqish vazifasini uddalaymiz.
Biz—bir jamoamiz, jamoamizga ishonamiz”, deydi “O‘zbekiston terma jamoasi hamda “SSKA” klubi hujumchisi Abbosbek Fayzullayev
Ma’lumot uchun, O‘zbekiston Olimpiya terma jamoasi Ispaniya bilan o‘yinda 1:2 hisobida mag‘lubiyatga uchradi.
Timur Kapadze shogirdlari 2-turda Misrga qarshi maydonga tushadi. Uchrashuv 27-iyul kuni bo‘lib o‘tadi.
Izoh (0)