Bugun, tungi soat 01:30 da Surxondaryo viloyatining Denov tumanidagi “Olovuddin” mahallasida Nexia-3 avtomashinasi yuqori bosimli gaz quvuriga urilishi natijasida avariya sodir bo‘lgan. Bu haqda Energetika vazirligi xabar bermoqda.
Aytilishicha, Denov tumanidagi 3 ming 950 ta aholi va 20 ta ulgurji iste’molchida tabiiy gaz ta’minoti vaqtincha to‘xtatilgan.
Avariya holati bartaraf etilishi bilan gaz ta’minoti qayta tiklangan.
Avvalroq sentyabr oyida Muzrabot tumanidagi diametri D-219 mm bo‘lgan gaz quvuriga avtomobil kelib urilishi natijasida quvurdan gaz sizib chiqqan. Ushbu avariya holatini bartaraf etish maqsadida tumandagi ayrim iste’molchilar (1 915 ta xonadon)ga tabiiy gaz yetkazib berilishi vaqtincha to‘xtatilgandi.
Izoh (0)