Chexiya Respublikasida sentyabr oyidagi suv toshqini oqibatida davlat kompaniyalari va korxonalariga yetkazilgan zarar 25-30 milliard kron (1-1,2 milliard yevro)ni tashkil qilishi mumkin.
Bu haqda respublika moliya vaziri Zbinek Stanyura ma’lum qilgan.
“Toshqinning davlat mulkiga yetkazgan zarari 25-30 milliard kronni tashkil qilishi mumkin. Xususiy sektorga, munitsipalitetga tegishli mulkka, shuningdek, respublika hududlariga jiddiy zarar yetgan”, dedi vazir.
Qayd etilishicha, suv toshqini keltirgan zararning aniq miqdorini Chexiya hukumati 5-dekabrgacha hisoblashi kerak. Chunki bu muddatgacha respublika Yevropa birdamlik jamg‘armasidan tabiiy ofat oqibatlarini bartaraf etish uchun mablag‘ so‘rashi mumkin.
1997 va 2002-yillarda Chexiyada halokatli suv toshqinlari sodir bo‘lgan. Moddiy zarar miqdori mos ravishda 63 milliard kron (taxminan 2,5 milliard yevro) va 73 milliard kron (taxminan 2,85 milliard yevro)ga baholangan.
Izoh (0)