Rekord darajadagi yog‘ingarchilik tufayli Nigerda kamida 273 kishi halok bo‘ldi, 700 mingdan ortiq kishi o‘z uyini tashlab ketishga majbur bo‘ldi. Bu haqda Malijet portali ma’lum qildi.
Uzoq muddat davom etgan yog‘ingarchiliklar tufayli Afrikadagi eng issiq va quruq shaharlardan biri hisoblangan Agadez shahri suv ostida qoldi.
Mazkur shahardagi ko‘plab odamlar kuchli yog‘ingarchilik uchun mo‘ljallanmagan, xom g‘ishtlardan qurilgan uylari namlik ta’sirida qulab tushgani sababli vafot etdi.
Milliy fuqaro mudofaasi xizmatining qayd etishicha, eng ko‘p zarar ko‘rgan hududlar Taua va Maradi bo‘lgan, bu yerlarda mos ravishda 87 va 86 kishi qurbon bo‘lgan. Umuman olganda, mamlakatdagi 266 ta hududda suv toshqini qayd etilgan, 73 mingdan ortiq turar joy binolari vayron bo‘lgan.
Meteorologlarning maʼlumotlariga ko‘ra, so‘nggi bir-ikki hafta davomida G‘arbiy va Markaziy Afrikaning bir qancha mamlakatlarida — Gvineya, Kongo demokratik respublikasi, Kot-dʼIvuar, Liberiya, Mali, Niger, Nigeriya, Togoda kuchli yomg‘ir yog‘gan.
Izoh (0)