Чехия Республикасида сентябрь ойидаги сув тошқини оқибатида давлат компаниялари ва корхоналарига етказилган зарар 25-30 миллиард крон (1-1,2 миллиард евро)ни ташкил қилиши мумкин.
Бу ҳақда республика молия вазири Збинек Станюра маълум қилган.
“Тошқиннинг давлат мулкига етказган зарари 25-30 миллиард кронни ташкил қилиши мумкин. Хусусий секторга, муниципалитетга тегишли мулкка, шунингдек, республика ҳудудларига жиддий зарар етган”, деди вазир.
Қайд этилишича, сув тошқини келтирган зарарнинг аниқ миқдорини Чехия ҳукумати 5 декабргача ҳисоблаши керак. Чунки бу муддатгача республика Европа бирдамлик жамғармасидан табиий офат оқибатларини бартараф этиш учун маблағ сўраши мумкин.
1997 ва 2002 йилларда Чехияда ҳалокатли сув тошқинлари содир бўлган. Моддий зарар миқдори мос равишда 63 миллиард крон (тахминан 2,5 миллиард евро) ва 73 миллиард крон (тахминан 2,85 миллиард евро)га баҳоланган.
Изоҳ (0)