Nigeriyada suv toshqini oqibatida qamoqxona devorlari qulab tushdi, oqibatda 281 nafar mahbus qochib ketdi. Bu haqda South China Morning Post xabar berdi.
Hodisa mamlakat shimoli-sharqidagi Mayduguri shahridagi qamoqxonada sodir bo‘lgan, 7 kishi xavfsizlik xizmati tomonidan qo‘lga olingan. Mayduguri — so‘nggi o‘n yillikdagi eng kuchli suv toshqiniga uchragan Borno shtatining poytaxti. Kuchli yog‘ingarchilik to‘g‘on yorilishiga olib kelgan, davlat hayvonot bog‘i vayron bo‘lgan. Suv oqimi timsoh va ilonlarni aholi yashaydigan joylarga oqizgan.
An ostrich made a quick getaway from a zoo in Nigeria's Borno State after floods damaged its cage and set it free. But its freedom was short-lived as the bird was later recaptured. pic.twitter.com/LYj7fvlcxO
— DW News (@dwnews) September 13, 2024
Mamlakat Favqulodda vaziyatlar agentligiga ko‘ra, suv toshqini oqibatida kamida 30 kishi halok bo‘lgan va yana bir million kishi jabrlangan, yuz minglab odamlar lagerlarga ko‘chib ketishga majbur bo‘lgan.
Izoh (0)