Emlanayotgan prezident, syorfingchi echki, Chorsuning jahldor mushugi. 23-mart suratlari
Dunyoning turli burchaklarida 23-mart kuni olingan eng qiziqarli suratlarni namoyish etamiz.
Sarayevo shahrida kabutarlarni oziqlantirayotgan erkak. Bosniya va Gersegovina poytaxtida koronavirus tufayli tunda komendantlik soati joriy etildi va yana restoranlar yopildi.Foto: EPA
Shvetsiya poytaxti Stokgolmda figurali uchish bo‘yicha Jahon chempionatida qatnashayotgan xitoylik juftlik.Foto: AP
Extinction Rebellion va Friends of the Earth ekofaollarning Madrid fond birjasi yaqinidagi norozilik aksiyasi.Foto: Shutterstock
AQShning Kolorado shtati Boulder shahridagi supermarketda yuz bergan otishmadan so‘ng xaridorlar evakuatsiya qilinmoqda. Hodisa oqibatida 10 kishi halok bo‘lgan. Jinoyatchi yaralangan va politsiya tomonidan qo‘lga olingan. Jinoyat sababi hozircha noma’lum.Foto: Getty Images
Nyu-Yorkda o‘t o‘chiruvchilar daraxtga ilinib qolgan Dilan laqabli katalin arasini qutqarmoqda. Qushning egasi uni veterinariyaga olib borganida qochib ketgan.Foto: Reuters
Bangladeshda rohinja musulmonlari yashovchi lagerda yong‘in sodir bo‘ldi. Qurbonlar bor.Foto: EPA
Toshkent shahri, Mirzo Ulug‘bek tumanidagi markaziy ko‘chalardan biri sanalgan Maxtumquli ko‘chasi bo‘yida o‘sib yotgan momaqaymoqlar. Juma kuni yog‘ib o‘tgan yomg‘irdan so‘ng ular yanada ko‘paydi.Foto: “Daryo” / Madina Nurman
Chexiya poytaxtida tibbiyot xodimlari mehmonxonada koronavirusdan davolanayotganlar oldiga kirmoqda. Praga shahri meriyasi uysizlarni COVID-19 dan davolash uchun mehmonxonani ijaraga olgan.Foto: Reuters
Britaniyaning Bristol shahrida politsiya to‘g‘risidagi yangi qonun loyihasiga qarshi norozilik aksiyasi vaqtida yonayotgan politsiya mashinasi oldida skeytbord uchayotgan namoyishchi.Foto: Reuters
Avstraliyaning Yangi Janubiy Uels shtatidagi suv toshqinlari oqibati.Foto: Reuters
Irlandiya parlamenti yig‘ilishlari o‘tkaziladigan Dublindagi Lenster-Xaus yaqinida norozilik aksiyasi o‘tkazayotgan Extinction Rebellion ekologik harakati faollari.Foto: Shutterstock
Janubiy Koreya prezidenti Mun Chje In va uning rafiqasi koronavirusga qarshi AstraZeneca vaksinasi bilan emlandi.Foto: Global Times
Dana Makgregor (chapda) va uning Pismo laqabli echkisi bolalar hamrohligida Kaliforniyaning San-Klemente shahrida syorfing bilan shug‘ullanmoqdaFoto: Reuters
Suriyaning shimoli-g‘arbida joylashgan qochoqlar lagerlarida yashovchi bolalarga masxaraboz kiyimida tomosha ko‘rsatayotgan suriyalik hajvchi Firas al-Ahmad.Foto: Getty Images
Myanmaning Yangon shahrida harbiy to‘ntarishga qarshi namoyishlar vaqtida otib o‘ldirilgan Tet Payng Soning dafn marosimida yig‘layotgan odamlar.Foto: Reuters
Tel-Avivdagi shifoxonada koronavirusdan davolanayotgan Raif Lalo parlament saylovlarida ovoz bermoqda. Isroilda ikki yildan kamroq muddat ichida to‘rtinchi marta parlament saylovlari o‘tkazilmoqda.Foto: AP Photo
Berlinda fermerlar hasharotlardan himoya qilish to'g'risidagi qonun loyihasiga qarshi miting o‘tkazdi.Foto: DPA
Kongo Respublikasi prezidentligiga muxolif nomzod Gi-Bris Parfe Kolela koronavirus oqibatida vafot etganidan so‘ng Insonparvar demokratlar ittifoqi ofisi oldida yig‘layotgan ayollar. Kolela 21-martdagi saylovlarda 7,84 foiz ovoz to‘pladi. Siyosatchi 22-mart kuni davolanish uchun Fransiyaga samolyotda olib ketilayotganda vafot etdi. Saylovlarda esa mamlakatni 37 yil davomida boshqargan 77 yoshli Deni Sassu-Ngesso g‘alaba qozondi.Foto: Reuters
Boulder shahri politsiyasi boshlig‘i Maris Herold supermarketda yuz bergan otishmada jinoyatchi tomonidan o‘ldirilgan ofitser Erik Telli xotirasiga hurmat ko‘rsatmoqda.Foto: Reuters
Koronavirus oqibatida vafot etgan birinchi chexiyalik bemorning o‘limiga 1 yil to‘lgani munosabati bilan minglab xochlar chizilgan Pragadagi maydon bo‘ylab yurib ketayotgan ayol.Foto: Reuters
Chorsu bozoridagi savdo rastalari orasida o‘ynab yurgan mushuk.Foto: Arsen Fazildzyanov / “Molodaya fotografiya Uzbekistana”
Izoh (0)