Futbol olamida yangi transferlar oynasi paydo bo‘lishi mumkin.
FIFA 1-iyundan 10-iyunga qadar ochiq bo‘ladigan qo‘shimcha transferlar oynasini tashkil etmoqchi, deya yozmoqda Marca. Barcha istovchi federatsiyalar buni o‘z ichki chempionatlarida amalga oshirishi mumkin bo‘ladi.
Tashkilot Jahon chempionatida ishtirok etuvchi klublarning transferlarini rag‘batlantirish maqsadida shunday qarorga kelgan.
Eslatib o‘tamiz, klublar o‘rtasidagi Jahon chempionati 2025-yilning yozida AQSHda bo‘lib o‘tadi. Unda 32 ta jamoa ishtirok etadi.
Izoh (0)