FIFA Saudiya Arabistonining “An-Nassr” jamoasiga transfer taqiqini qo‘ydi.
Jurnalist Ben Jeykobsning ma’lum qilishicha, “An-Nassr” “Lester”ga Ahmad Musa uchun bonuslarni to‘lab bermagani uchun tashkilot tomonidan transferlarni amalga oshirish taqiqlangan.
Saudiya klubida o‘ynab yurgan Musa o‘yin darajasi bilan bog‘liq bo‘lgan 460 ming yevro bonusni faollashtirgan. Biroq, CAS ingliz klubi foydasiga qaror chiqargan bo‘lsa-da, saudiyaliklar ushbu pullarni “tulkilar” hisobiga o‘tkazib bermagan.
Portugaliyalik futbolchi Krishtianu Ronaldu to‘p surayotgan “An-Nassr” jamoasi yozda “Inter” yarim himoyachisi Marselo Brozovichni o‘z safiga qo‘shib olgandi.
Eslatib o‘tamiz, nigeriyalik hujumchi Ahmad Musa 2018-yilda “Lester” safidan “An-Nassr”ga o‘tgan edi. Futbolchi Saudiya klubi tarkibida 2020-yilga qadar to‘p surgan va shundan so‘ng “Kano Pillars” safiga o‘tib ketgandi.
Izoh (0)