FIFA va Xalqaro futbol assotsiatsiyasi uyushmasi (IFAB) futboldagi o‘yindan tashqari holatni qoidasini yangilash ustida ishlamoqda.
Yangi konsepsiyaga binoan, to‘p uzatilayotgan vaqtda hujum qilayotgan o‘yinchining butun tanasi himoyachidan ko‘ra raqib darvozasiga yaqinroq bo‘lgandagina o‘yindan tashqari holat hisoblanadi.
Boshqacha qilib aytganda, hujum qilayotgan futbolchi tanasining ma’lum qismi oxirgi himoyachiga to‘g‘ri kelsa, o‘yindan tashqari holat hisoblanmaydi.
Qoidalarning o‘zgarishi futbolni yanada jo‘shqin va tomoshabop bo‘lishiga hissa qo‘shadi, deb hisoblanmoqda.
Ushbu o‘zgarishlar allaqachon IFAB yig‘ilishlarida muhokama qilingan. Dastlab, u Shvetsiya, Italiya va Niderlandiyaning quyi divizionlarida sinovdan o‘tkaziladi.
Izoh (0)