Shavkat Mirziyoyev 20-sentabr kuni Nyu-York shahrida Futbol assosiatsiyalari xalqaro federatsiyasi (FIFA) rahbari Janni Infantino bilan uchrashuv o‘tkazgani haqida xabar berilgan edi.
Ma’lum qilinishicha, uchrashuv vaqtida FIFA rahbari Shavkat Mirziyoyevga futbol to‘pi sovg‘a qildi. To‘pga prezidentning ismi tushirilgan. Davlat rahbari Janni Infantinoni 2023-yilgi futbol bo‘yicha ayollar o‘rtasidagi jahon chempionati muvaffaqiyatli o‘tkazilgani bilan samimiy tabriklagan.
Mamlakatda FIFAning yirik xalqaro tadbirlarini, shu jumladan, ayollar va o‘smirlar o‘rtasidagi birinchiliklarni tashkil etish va o‘tkazish masalalari muhokama qilingan. Federatsiya rahbari O‘zbekistonni 2024-yilda ilk bor FIFA shafeligidagi futzal bo‘yicha jahon chempionatiga mezbonlik qilishi bilan tabriklagan va uning yuqori saviyada o‘tkazilishiga muvaffaqiyatlar tilagan.
Izoh (0)