Oktyabr oyida havo sovuq va yomg‘ir tinmayapti, lekin MMA’da qizg‘inlik endi boshlanmoqda. Navbatdagi to‘rt hafta, ehtimol, ushbu yildagi eng voqealarga davr bo‘ladi. Aleks Pereyra, Iliya Topuriya, Maks Hollouey, Fransis Ngannu va boshqa jangchilar oktagonga qaytadi. Katta voqealar arafasida oktyabr oyida bo‘lib o‘tadigan turnirlar haqida ma’lumotlar tayyorlangan. “Daryo” ushbu maqolani o‘zbek tilida taqdim etadi.
5-oktyabr — UFC 307
Dastlab, UFC 307 bu “Sfera”dagi UFC 306 va Abu-Dabidagi UFC 308 o‘rtasidagi oraliq stansiya kabi ko‘ringandi. Biroq, kardga qarab, UFC kutilmagan voqealarni tayyorlaganini aytish mumkin. Bu yerda haqiqiy jarangdor janglar yo‘q (dastlab, bu sana uchun Topuriya va Hollouey o‘rtasidagi yengil vazn toifasidagi titul jangi rejalashtirilgan edi), biroq kard voqealarga bor bo‘ladi. O‘tkazib yuborilishi mumkin bo‘lgan janglar deyarli yo‘q. Turnirni veteranlar Tim Minss va Kurt MakGi ochadi, prelimni esa yarim o‘rta vaznning top-15 ga kiruvchi jangchilar Stiven Tompson va Xoakin Bakli yakunlaydi, asosiy kardda esa quyidagi savollarga javob olish mumkin: Koyla Harris Xolli Xolm kabi Vieyrani yengishi mumkinmi, Joze Aldo ketma-ket ikkinchi iste’dodli jangchini mag‘lub eta oladimi va navbatda ikki nokautchi — Aleks Pereyra va Xalil Rauntri o‘rtasidagi jangda kim ustun keladi?
UFC 307 UFC 199 bilan o‘xshashdek tuyulishi mumkin — u turnir ham iyun 2016-yilda Braziliyadagi UFC 198 va UFC 200 o‘rtasida o‘tgan edi. Bu turnirdan ham hech narsa kutilmagan, lekin matchmeykerlar qiziqarli kard tayyorlagan va natijada UFC 199 tomosha jihatidan o‘zining “yulduzli” qo‘shnilardan ikki barobar ustun bo‘lgan. Aynan shu turnirda Maykl Bisping Lyuk Rokxoldni nokaut qilgan edi, biroq jangdan oldin favorit aksincha bo‘lgan.
12-oktyabr — UFC Fight Night 244
Yana bir ajoyib UFC Fight Night musobaqasi. Turnirdagi eng qiziq jang — Brendon Royval va Tatsuro Tayra o‘rtasida kechadi. Ushbu jang yengil vazn toifasidagi titul uchun navbatdagi da’vogarni aniqlashi mumkin. Shuningdek, kardda ko‘plab tanish ismlarni ko‘rish mumkin. Shu tariqa oqshomda oktagonga Grant Douson, Bred Tavares, Daniyel Rodriges, Abdul Razak Alhasan va boshqalar chiqadi.
19-oktyabr — UFC Fight Night 245
Mishel Pereyra va Entoni Ernandesga hurmat saqlagan holda, ularning jangi tomoshabinlarni o‘ziga torta olishi dargumonligini ta’kidlash joiz. Mishel Pereyra odatda “zerikarli” jang qilmaydi, Ernandes esa ketma-ket 4 ta (uchta muddatidan oldin) g‘alaba qozongan. Biroq, shunda ham bu jangga qiziqish u qadar yuqori emas.
Shuningdek, Rob Font va Kayler Filips o‘rtasidagi ko-meynivent jangiga e’tibor qaratish kerak. Bu jang yoki juda zerikarli yoki juda qiziqarli bo‘lishi mumkin.
19-oktyabr — PFL gigantlar janglari
Har yarim yilda bir marta PFL o‘zining asosiy “yulduzlarini” yig‘ib, katta turnir uyushtiradi. Hozircha aniq bo‘lgani va e’tiborga moligi — Ngannuning qaytishi.
Shuningdek, Ey Jey Makkining Pol Xyuz bilan jangini ham eslab o‘tish kerak. Irlandiyalik jangchi hali tanilmagan bo‘lsa-da, ammo ulkan salohiyatga ega. Makki aniq favorit, lekin Xyuz hammani hayratda qoldirishi mumkinligini kutsa bo‘ladi.
26-oktyabr — UFC 308
Oktyabr oyining asosiy voqeasi odatdagidek Abu-Dabida bo‘lib o‘tadi. Yagona yangilik shundaki, asosiy jang Nurmagomedov yoki Maxachev emas, balki Iliya Topuriya va Maks Hollouey o‘rtasida bo‘ladi. Ammo keyingi kardlarda biz yana chechen-dog‘iston jangchilarining chiqishini ko‘ramiz: Hamzat Chimayev Robert Uittaker bilan jangda chempionlik poygasiga qo‘shilish uchun harakat qiladi, Magomed Ankalayev esa Aleksandr Rakichga qarshi jangda titul uchun yana bir (so‘nggi?) qadam tashlaydi.
Yana bir yorqin istiqbolli jangchi Sharabudin Magomedov Arman Petrosyan bilan kuch sinashadi, britaniyalik Lerone Merfi esa Den Igening sinovidan o‘tadi.
Umuman olganda, Aleksandr Volkov va Siril Gan o‘rtasidagi jang Volkovning jarohati tufayli bekor bo‘lganiga qaramasdan, kard juda kuchli.
Oktyabr oyida UFC bir yo‘la ikkita raqamli turnirini o‘tkazadi. Faqat janglarning bekor qilinmasligi va kechiktirilmasligini umid qilish qoldi.
Bundan tashqari, 12-oktyabr kuni mag‘lubiyat nimaligini bilmayotgan bokschilar Dmitriy Bivol va Artur Beterbiyev o‘rtasidagi jangni ham unutmaslik kerak — bu boksdagi eng kutilgan janglardan biri bo‘ladi.
Xullas, oktyabr juda olovli o‘tadi.
Izoh (0)