Janubiy Koreya o‘z mamlakati hududida konsert beradigan KXDR artistlariga pul to‘lamaydi

Janubiy Koreya o‘z mamlakatining hududida ikkita konsert beradigan Shimoliy koreyalik artistlarga hech qanday moliyaviy mukofot berish niyatida emas. Bu haqda Seulda bo‘lib o‘tgan brifingda birlashgan vazirlikning rasmiy vakili Pek De Xyon ma’lum qildi, deb xabar berdi “TASS”.

“Davlat ayni vaqtda konsertlarga ketadigan mablag‘ni hisoblash bilan shug‘ullanmoqda. Artistlarning chiqishi uchun pul to‘lash ko‘zda tutilmagan”, — deya ta’kidladi Pek De Xyon. Uning aytishicha, ko‘rsatilgan cheklovlar BMT Xavfsizlik Kengashi tomonidan KXDRga qarshi sanksiya rejimida belgilab qo‘yilgan.

KXDRlik artistlarning konserti 8-fevral kuni Kannindagi san’at markazida, 11-fevralda esa Seuldagi milliy teatrda bo‘lib o‘tadi. Bu kabi kelishuvga Xyon Son Vol boshchiligidagi Shimoliy Koreya delegatsiyasining “janub”ga tashrifidan so‘ng erishilgan.

Avvalroq, Olimpiada o‘yinlari — 2018 ning tashkilotchi qo‘mitasi “shimollik” atletlarga Samsung Note 8 smartfonini sovg‘a qilmaslikka qaror qilgan edi. Janubiy Koreya OAVlari qo‘mitaning mazkur qarorini telefon orqali internetga kirish mumkinligi, bu esa KXDR qonunlari bilan taqiqlangani bilan izohlagandi.