Instagram: “Qalpoq”dagi Sohiba uyli bo‘ldi, “Mitti vayn”chi Ulug‘bek BMW’si bilan xayrlashdi, milliy teatr jamoasi ta’tilga chiqdi

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola qilamiz.
O‘zbek milliy akademik drama teatri jamoasi 6-iyuldan boshlab ta’tilga chiqdi. Teatr sentabr oyidan o‘z faoliyatini qayta tiklaydi.

Bloger Maryam Tillayeva shaxsiy hayoti bilan bog‘liq muhim qarorni qabul qilish arafasida turgani bois Instagram’da kamnamo ekanligini ma’lum qildi. 

Taniqli aktrisa Ra’no Yarasheva yozgi ta’tilni Turkiyada, qizi Madinaning uyida o‘tkazishga qaror qildi.

Xonanda Lola turmush o‘rtog‘ini tug‘ilgan kuni bilan tabrikladi va avval e’lon qilmagan oilaviy suratlarini sahifasiga joyladi. 

Shuningdek, xonanda turmush o‘rtog‘ining tavallud ayyomini retro uslubda nishonladi. 

Munisa Rizayeva tez kunda muxlislariga qaynoq yangiliklarni taqdim etishini ma’lum qildi. 

Shahlo Zoirova o‘g‘illarining tug‘ilgan kuni munosabati bilan yangi fotosessiya tashkillashtirdi. 

“Qalpoq” hajviy ko‘rsatuvidagi Sohiba obrazi bilan muxlislarga yaxshi tanish aktrisa Fotima Nazarova intervyularida uzoq yillardan beri ijara uyda yashashini aytgan edi. Aktyor Muxtor Halimovning ma’lum qilishicha, shu kunlarda aktrisa yer sotib olib, uy qurish ishlarini boshlab yuborgan.

Aktrisa Dilnoza Kubayeva muxlislariga yozgi ta’tilni maroqli o‘tkazishni tiladi. 

“Mitti vayn”chi Ulug‘bek Shodibekov bir yil avval xarid qilgan BMW avtomobilini sotdi va sevimli mashinasi bilan xayrlashish unga qanchalik og‘ir bo‘lgani haqida kulgili vayn tayyorladi.