“Men turmushga chiqyapman”: xonanda Adel unashtirilganini e’lon qildi

Someone Like You qo‘shig‘i ijrochisi, britaniyalik xonanda Adel turmushga chiqayotganini e’lon qildi. Bu haqda The voice magazine xabar bermoqda.

Xonanda o‘zidan olti yosh katta Rich Pol ismli sport agenti bilan munosabatlarini yashirmas edi. U bir necha bor Richni turmush o‘rtog‘im deb atagani uchun yulduzning ko‘plab muxlislari ular allaqachon turmush qurganiga ishonchi komil edi. Biroq kuni kecha juftlik yaqinda bo‘lib o‘tadigan to‘yga tayyorgarlik ko‘rayotgani ma’lum bo‘ldi.

Adel Myunxenda bo‘lib o‘tayotgan konsert dasturida hayotida ulkan o‘zgarish kutilayotgani haqida ma’lum qildi. Xonandaning muxlislaridan biri unga turmush qurish taklifi yozilgan plakat ushlab turgan edi. Adel darhol ushbu yozuvga e’tibor qaratdi va ashaddiy muxlisining taklifiga rad javobini aytishga majbur bo‘ldi:

“Men bunday qila olmayman, chunki allaqachon turmushga chiqyapman”, deya tan oldi Adel va sakson ming kishi to‘plangan stadionda o‘zining unashtiruv uzugini namoyish qildi.

“I can’t marry you because I’m already getting married” ADELE FUCKING ADKINS!!!!!!!! pic.twitter.com/x3cAnt9RVF

— Tin🪐🐝| saw adele 6/16/23 (@DiaryofDelly) August 9, 2024

Adel va Rich Pol uch yildan beri tanish bo‘lib, juftlik iyul oyida Londonda unashtirilganini e’lon qilishgan edi.