Netanyaxu G‘azodagi muzokaralar haqidagi xabarni soxta deb atadi

Isroil bosh vaziri Binyamin Netanyaxu Reuters nashrining Isroil go‘yo Falastin anklavidagi muzokaralar jarayoni doirasida G‘azo—Misr chegarasidan qo‘shinlarini olib chiqish ehtimolini muhokama qilayotgani haqidagi xabarni “mutlaqo soxta” deb atadi.

“Reuters axborot agentligining Isroil Filadelfiya koridoridan chiqishni muhokama qilayotgani haqidagi xabari mutlaqo soxta. Bosh vazir Isroil Filadelfiya koridorida qolishini ta’kidlamoqda. U aynan shu pozitsiyadan muzokara jamoalarga harakat qilishni buyurgan”, deyiladi matbuot xabarida.

Avvalroq Reuters nashri uch manbaga tayanib, Isroil va Misr muzokarachilari G‘azo—Misr chegarasi bo‘ylab elektron kuzatuv tizimini muhokama qilayotgani, bu esa Isroilga o‘t ochishni to‘xtatish kelishuviga erishilsa, o‘z qo‘shinlarini hududdan olib chiqib ketish imkonini berishi haqida xabar qilgan edi.

Qayd etilishicha, Isroil qo‘shinlarining G‘azo va Misr bilan chegarada qolishi yoki qolmasligi haqidagi savol kelishuvga erishish yo‘lidagi taraqqiyotga to‘sqinlik qilmoqda, chunki HAMAS ham, Misr ham bunga qarshi.