Isroil armiyasi aholi va ko‘chirilganlarni G‘azo shahrining bir qismini zudlik bilan Falastin anklavining markazidagi Dayr al-Balahdagi gumanitar hududga evakuatsiya qilishga chaqirdi.
Sabra, Rimal, Tal al-Hava va Daraj hududlaridagi barcha aholi va ko‘chirilganlarga shoshilinch chaqiruv. Xavfsizlik nuqtai nazaridan, gumanitar zonadagi Dayr al-Balahdagi boshpanalarga zudlik bilan evakuatsiya qiling, deydi Isroil armiyasi vakili.
Isroil mudofaa kuchlari vakili zudlik bilan tark etilishi kerak bo‘lgan 14 ta kvartalni ham sanab o‘tgan.
Times of Israel nashri 8-iyul kuni ertalab Isroil armiyasi G‘azo janubida HAMAS va “Islomiy jihod” guruhlariga qarshi yangi operatsiya boshlaganini xabar bergan edi.
Avvalroq Isroil kuchlari G‘azoda hujum uyushtirishi oqibatida HAMAS oliy rahbariyati vakili halok bo‘lganini maʼlum qilgan edi. Halok bo‘lgan Ihob al-G‘usayn HAMAS maʼmuriyatida mehnat vaziri o‘rinbosari, undan oldin esa Ichki ishlar vazirligi matbuot kotibi bo‘lgan.
Izoh (0)