Xitoy—Qirg‘iziston—O‘zbekiston yo‘nalishi boshqa maqsadli bozorlarga mo‘ljallangan va Yevrosiyo makonidagi mavjud yo‘laklarga raqobatchi bo‘la olmaydi. Bu haqda Yevrosiyo taraqqiyot banki (YTB) hisobotiga tayanib, “Tazabek.kg” xabar berdi.
Tahlilchilarning fikricha, loyiha Rossiya Trans-Sibir temiryo‘li va Xitoydan Qozog‘iston orqali o‘tadigan temiryo‘l koridoriga raqobatchi bo‘lmaydi.
Temiryo‘l yo‘nalishi Yevrosiyo transport tizimini rivojlantirish bo‘yicha istiqbolli loyihalar xaritasida belgilangan. Yuk tashish salohiyati yiliga 7 dan 13 million tonnagacha baholanmoqda va qurilish olti yildan sakkiz yilgacha davom etishi mumkin.
Loyiha doirasidagi temiryo‘l liniyalarining uzunligi 523 kilometrni tashkil etadi – 213 kilometri Xitoy hududi, 260 kilometri Qirg‘iziston, 50 kilometri O‘zbekiston hududidan o‘tadi. 90 ta tunnel, ko‘priklar, mahalliy hamda yuk tashuvchi temiryo‘l stansiyalarini qurish ko‘zda tutilgan.
Yevrosiyo transport tizimini rivojlantirish bo‘yicha istiqbolli loyihalar
Izoh (0)