Исроил бош вазири Биньямин Нетаньяху Reuters нашрининг Исроил гўё Фаластин анклавидаги музокаралар жараёни доирасида Ғазо—Миср чегарасидан қўшинларини олиб чиқиш эҳтимолини муҳокама қилаётгани ҳақидаги хабарни “мутлақо сохта” деб атади.
“Reuters ахборот агентлигининг Исроил Филаделфия коридоридан чиқишни муҳокама қилаётгани ҳақидаги хабари мутлақо сохта. Бош вазир Исроил Филаделфия коридорида қолишини таъкидламоқда. У айнан шу позициядан музокара жамоаларга ҳаракат қилишни буюрган”, дейилади матбуот хабарида.
Аввалроқ Reuters нашри уч манбага таяниб, Исроил ва Миср музокарачилари Ғазо—Миср чегараси бўйлаб электрон кузатув тизимини муҳокама қилаётгани, бу эса Исроилга ўт очишни тўхтатиш келишувига эришилса, ўз қўшинларини ҳудуддан олиб чиқиб кетиш имконини бериши ҳақида хабар қилган эди.
Қайд этилишича, Исроил қўшинларининг Ғазо ва Миср билан чегарада қолиши ёки қолмаслиги ҳақидаги савол келишувга эришиш йўлидаги тараққиётга тўсқинлик қилмоқда, чунки ҲАМАС ҳам, Миср ҳам бунга қарши.
Изоҳ (0)