Farg‘ona va Buxoro viloyatlarida qalbaki aksiz markali alkogol mahsulotlarini muomalaga kiritilishining oldi olindi. Bu haqda Bosh prokuratura huzuridagi departament xabar berdi.
Qayd etilishicha, departamentning Uchko‘prik tuman bo‘limi tomonidan tezkor tadbir o‘tkazilgan. Tadbirda “A.N.” MCHJ rahbari T.J. MCHJ savdo do‘konida 18 turdagi qalbaki aksiz markali jami 1 387 dona alkogol mahsulotlarini sotuvga qo‘ygani aniqlanib, ushbu mahsulotlar ashyoviy dalil sifatida olingan.
Shu kabi, departamentning Buxoro shahar bo‘limi tomonidan o‘tkazilgan tezkor tadbirda “D.T.” MCHJ rahbari K.F. va boshqalar MCHJ savdo do‘konida 12 turdagi qalbaki aksiz markali jami 663 dona isteʼmolga yaroqsiz alkogol mahsulotlarini sotuvga qo‘ygani aniqlanib, ushbu mahsulotlar ashyoviy dalil sifatida olingan.
Mazkur holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda.
Avvalroq Qoraqalpog‘iston Respublikasi va Farg‘ona viloyatida qalbaki aksiz markali alkogol mahsulotlarini muomalaga kiritilishining oldi olingani to‘g‘risida xabar berilgandi.
Izoh (0)