Toshkent viloyatining Piskent tumanida aksiz markasiz tamaki mahsulotlarini sotayotgan savdo do‘koni aniqlandi. Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Maʼlum qilinishicha, o‘tkazilgan tezkor tadbirda “Murotali” MFY hududidagi savdo do‘konida hech qanday hujjatsiz tamaki mahsulotlari savdosi bilan shug‘ullanib kelgan J.B. fuqaro M.M.ga xorijda ishlab chiqarilgan 3 xil turdagi “Milano” nomli aksiz markasiz 600 quti tamaki mahsulotini 10 mln so‘mga sotgan vaqtida ushlanib, ushbu do‘konda savdoga qo‘yilgan jami 4 306 quti aksiz markasiz tamaki mahsuloti ashyoviy dalil sifatida olingan.
Mazkur holat yuzasidan Jinoyat kodeksining 186-1-moddasi (etil spirti, alkogolli mahsulot va tamaki mahsulotini qonunga xilof ravishda ishlab chiqarish yoki muomalaga kiritish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)