Qoraqalpog‘iston Respublikasining Nukus shahrida qalbaki aksiz markali alkogol mahsulotlarini muomalaga kiritilishining oldi olindi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Maʼlum qilinishicha, “Bes tobe” YPX maskanida o‘tkazilgan tezkor tadbirda fuqaro U.M. boshqaruvidagi Cobalt rusumli avtotransport vositasi to‘xtatib ko‘zdan kechirilganida, U.M. jami 690 dona “Qaratau” nomli qalbaki aksiz markali alkogol mahsulotini Qo‘ng‘irot tumanida o‘tkazish maqsadida olib ketayotganligi aniqlanib, ushbu mahsulotlar ashyoviy dalil sifatida olingan.
Mazkur holat yuzasidan Jinoyat kodeksining 176-moddasi (qalbaki pul, aksiz markasi yoki qimmatli qog‘ozlar yasash, ularni o‘tkazish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)