Qoraqalpog‘iston Respublikasi va Farg‘ona viloyatida qalbaki aksiz markali alkogol mahsulotlarini muomalaga kiritilishining oldi olindi, deb xabar beradi Bosh prokuratura huzuridagi departament.
Qayd etilishicha, departamentning Qo‘ng‘irot tuman bo‘limi tomonidan DXX va IIB xodimlari bilan hamkorlikda tintuv-tergov harakatlari o‘tkazilgan. Natijada fuqaro B.K. o‘z uyida qo‘lbola usulda tayyorlangan qalbaki aksiz markali 888 dona, Cobalt rusumli avtotransport vositasida esa O‘zbekiston aksiz markasi bilan yelimlanmagan xorijda ishlab chiqarilgan 114 dona alkogol mahsulotini o‘tkazish maqsadida saqlab kelayotgani aniqlanib, ushbu mahsulotlar ashyoviy dalil sifatida olingan.
Shu kabi, departamentning Qo‘qon va Farg‘ona shahar bo‘limlari tomonidan o‘tkazilgan tergovga qadar tekshiruvlarda “J.F.” va “W.H.” MCHJlarga qarashli savdo do‘konlarida jami 625 dona qalbaki aksiz markali alkogol mahsulotlari sotuvga qo‘yilgani aniqlanib, ushbu mahsulotlar ashyoviy dalil sifatida olingan.
Mazkur holatlar yuzasidan Jinoyat kodeksining 176-moddasi (qalbaki pul, aksiz markasi yoki qimmatli qog‘ozlar yasash, ularni o‘tkazish) va 186-1-moddasi (etil spirti, alkogolli mahsulot va tamaki mahsulotini qonunga xilof ravishda ishlab chiqarish yoki muomalaga kiritish) bilan jinoyat ishlari qo‘zg‘atilib, tergov harakatlari o‘tkazilmoqda.
- Surxondaryoda iyun oyida ham iste’molga yaroqsiz yog‘ mahsulotlari muomalaga kiritilishining oldi olingandi.
- Xorazmda bo‘lsa inson sog‘lig‘i uchun xavfli spirtli ichimliklarni tayyorlab kelgan shaxs faoliyatiga chek qo‘yilgani,
- Namanganda 550 million so‘mlik dori vositalari yo‘q qilingani to‘g‘risida xabar berilgandi.
Izoh (0)